قرار وزاره
وفيه مراره
طالب وفاشل
ماسك سيجاره
وضرب المعلم
وحدف الحجاره
تعليمنا فاشل
ياميت خساره
سقط المعلم
ورفعتوا طالب
ناصبيين فخوخ
عامليين مقالب
صبح المعلم
من كيعانه شارب
وقفه ياعم
عايز مطالب
ليه المعلم
عاملينه سالب
سقط المعلم
وكان رسول
أصبح عدو
ومافيش قبول
ضاعت حقوق
ومافيش عقول
ترسم طريق
للعلم واضح
وف مدارسنا
الفعل فاضح
ضرب المدرس
من تلاميذ
اصبح ياعينى
وجبه ولذيذ
بقرار هزيل
من وزاره
منع العقاب
اصبح شطاره
كلام رزيل
عبى ف شكاره
ودنيا ماشيه
عكس عكاس
فيها الطالب
على كل راس
وفيها المعلم
خلاص إنداس
تعليم عقيم
تعليم شتات
بقهر المعلم
ياعينى مات
ضربه ياعينى
ولد صغير
بقرار وزاره
شاف المصير
مافيش تعليم
وغاب الضمير
ادعوك ياربى
تاخدلى حقه
إنت ياربى
نعم النصير
================
الشاعر عيسى عبد الرؤوف
انا وطنى ماليش الوان
لامع محلب ولا الاخوان
انا كاشف فساد فيكى
انا نورك فى كل مكان
أنا صوت الفقير فيكى
وجه بحر وقبلى كمان
الأحد فبراير 01, 2015 7:16 am من طرف 
اليومية
