........... أصرخ .............
لا لا لا لا لا لا لا لا لا لا لا
لا بالله مانى صارخ
والسهم جوه فى قلبى
نافد فيه وشارخ
.......... أبكى ...............
لا لا لا لا لا لا لا لا لا لا لا
لا بالله مانى باكى
هصبر على جرحى
وعمرى مايوم شاكى
..................................
جروحى تقوللى إنساه
والله مانى قادر
حبه فى قلبى إتزرع
وزهره جميل نادر
بنيت قصور الهوا
وسكنت فى شادر
وخدى بدمعى إتكوى
بس العازول قادر
...................................
مقدرشى انسى ياناس
حبه ملك روحى
شربت منه الكاس
وده سبب بوحى
..................................
أصل الحكايه جسد
والقلب ساكن فيه
والعين تنادى الحسد
يزرع شيطانه فيه
..................................
فارق حبيبى صحيح
والنوم فارق عينى
مكسور وقلبى جريح
مين بعده يداوينى
.................................
هصبر وناجى الليل
يمكن فى يوم يرجع
ودمع الفراق ويل
ياريته يالليل يسمع
.........................................
الشاعر / عيسى عبد الرؤوف
الأحد فبراير 01, 2015 7:16 am من طرف 
اليومية
