رسالة غريب .. بقــلم أ/ عيســى عبدالرؤوف

فى عيد الأم
رسالة غريب
============
أمى الحبيبه
فى عيدك ميلادى
أصحى فى ليلى
بإسمك أنادى
فداكى ياغاليه
شبابى وولادى
سامحينى ياأمى
على فراقى وعنادى
رحيلى دا غصب
عن ديارى وبلادى
وف عيدك ياأمى
أبوس الأيادى
ماشيه فى دمى
وساكنه فؤادى
قايد شموعك
فى الغربه ياأمى
ميلادى رجوعك
لحضنى تضمى
ياما تعبتى
تحاوطى وتلمى
سهرتى ليالى
على حزنى وهمى
وحتى ف سعادتى
سهرتى تغنى
كفايه ياأمى
رضاكى عليا
إنتى حياتى
ونور عينيه
ومهما أضحى
عليكى شويه
وعمرى ماأوفى
جمايلك عليا
وف أخر جوابى
ببعتلك سلامى
فى عيدك ياغاليه
طابت ألامى
وإقبلى ياأمى
وفائى وإخلاصى
لو يوم زعلتى
حقك على راسى
================
الشاعر عيسى عبد الرؤوف