نزف القلم أحبار
ومصر بتنزف دم
والقلب قايد نار
والهم مابيتلم
يامصر ليلك طال
وسواده فيكى عم
حتى طعم اللقمه
متغمسه بالسم
دخل هنا شيطان
فارد جناحه ولم
قلب نهارك ليل
والعيشه صبحت غم
سبب الطمع كان مرسى
وخيانة الإخوان
كرهتى فيكى الكرسى
أصله مالهشى أمان
الدم فيكى سال
ووطنا علينا هان
دى مصر غاليه ياخاين
دى أجمل الأوطان
ياريت تفارق تمشى
وتغيير العنوان
سفكت فيها دماء
وفجرت ليه بركان
مصر كسوه ياخاين
إسأل عنها العريان
مشرف هناك فى طره
وخلفه كمان قضبان
وهناك تلاقى بديع
عامل فيها غلبان
وحجازى ويه الشاطر
عقرب وراه تعبان
الدنيا فانيه ياخاين
وهيحاسبك الرحمن
خد نصيحتى ياخاين
وكفايه بقه عوجان
==============
بقلم عيسى عبد الرؤوف
الأحد فبراير 01, 2015 7:16 am من طرف 
اليومية
