تحية من قلبى لكل من قدم لى التهنئة
بعيد ميلادى لهذا العام
لكل أصدقائى وصديقاتى
وحروفكم وسام على صدرى
وتقبلوا تحياتى وإنحنائى أمامكم
تكريماً لما قدمتموه لشخصى
وإليكم هذه الابيات
==================
....... رباعيات شكر ........
هقول كلام بسعاده
ومن كل قلبى هبوح
بشكر جميع الساده
وتحيه ل ابو الفتوح
صحيت انا من نومى
وقعدت على الجهاز
نسيتنى كل همومى
تهانيكم ف البرواز
والله ناسى ميلادى
وأصحابى أحلى أصحاب
طبعاً دا شىء مش عادى
م الصبح دقوا الباب
والسعد والله جانى
تهانى مع تباريك
ومقدميين علشانى
شمع ونجف واباليك
اشكركم والله ياناس
وبحبكم من قلبى
على اجمل الإحساس
وشاهد عليا ربى
مرت سنيين من عمرى
وراحت معاها أيام
انتم نجومى وقمرى
وتشريفكم خير وسام
ورد ومنى من قلبى
وليكم فى قلبى حنان
ولو ناديتم ألبى
وحبكم له زمان
=================
الشاعر عيسى عبد الرؤوف
الأحد فبراير 01, 2015 7:16 am من طرف 
اليومية
