إنت مصرى أكيد .. بقــلم أ/ عيسى عبدالرؤوف

إنت مصرى أكيد
فارس صحيح
خيال

إفرد دراعك للوطن
لو تعب الوطن
أو مال

إجمد ياولد لو طلبك
فى يوم الوطن
شد الرحال

أحضن فى كفك وشيل
خير الوطن
لو حبة رمال

لو ضعف عودك
ووقع الوطن
نجبله منين شيال

مصر العروبه ياولد
ولاده
ياما طلعت أجيال

محفوظ زعيم الادب
وزغلول زعيم الغضب
والفن فيها إتقال

مصر الحضاره
هى المناره لوضاعت
إتقطعت العرب أوصال

إحمى حماها خليك وراها
إحمى حدودها
يمينها ويه شمال

موسى تجلا بارك وصلا
من فوق الصخر
وجبال

=================
الشاعر / عيسى عبد الرؤوف