بحرك دا موجه عالى
وأنا مانيش سباح
وقلبك ياعمرى غالى
إمته بقه هرتاح
صابر أنا فى ليلى
يمكن يجينى صباح
وف حضنك تضمينى
وعلى صدرك أنام ورتاح
تعبان أنا مجروح
وف بعدك ذليل وعليل
ببكى أنا وبنوح
ودابت المناديل
أنا قلبى لسه شاريكى
وفاتحلك الابواب
عمره ماثانيه نسيكى
بس ليا عتاب
سبتينى ليه ومشيتى
غرقان أنا ف أحزان
غلطت إمته أنا فيكى
تعالى أنا الزعلان
أول غلطه ليكى
كان غش ويه خداع
ونفس الغلطه تانى
زودتى بيها أوجاع
خدى منى فرصه أخيره
تحافظى بيها عليا
ماتكونشى نفس الحيره
ولتزمى بقه شويه
===================
مع تحياتى
الشاعر عيسى عبد الرؤوف
الأحد فبراير 01, 2015 7:16 am من طرف 
اليومية
