(روايه من اسوان )
القصه دى حقيقيه
روايه من اسوان
هلاليه مع دابوديه
وجثث فى كل مكان
مهى مصر ناقصه خراب
عايزيين كمان احزان
إفرح ياعم غراب
وانعق فى كل مكان
عقول هناك مقفوله
عايزه ياعم مفتاح
فاكرينها همه رجوله
وممدوديين بسلاح
بدايتها ضرب عيال
ووراها حريق ودمار
ودماغ وراكبه شمال
بدأت خلاص ف التار
راحوا ضحايا كتير
وتيتموا اطفال
خلاص مافيش تفكير
اشلاء مع اوصال
هناك مزارع القصب
مابين عيدانها شيطان
يؤمر هناك بالغضب
ويفجر البركان
ضاعت حقوق الجار
والعقل والله غاب
القتل اخره نار
وانا شعرى راسى شاب
خلوا الدماء ع الارض
يتفرجوا السياح
موت النفوس بقه فرض
مسا ويه صباح
=================
الشاعر عيسى عبد الرؤوف
الأحد فبراير 01, 2015 7:16 am من طرف 
اليومية
