معانا سوبيا وتمر .. بقــلم أ/ عيــسى عبدالرؤوف

معانا سوبيا وتمر
وكمان عرق سوس
تشرب هنا بالأمر
وتدفع كمان فلوس
ومعانا كمان عناب
ودوق هنا خروب
وجانا بعد غياب
شمس مالها غروب
صبيه حلوه جميله
شربت كاسين عناب
مالت عليا ميله
وطعم الشفايف داب
قولتلها إسمك إيه
قالتلى سنيوره
قولتلها بلدك إيه
قالتلى منصوره
ساعتها عقلى غاب
قولتلها تؤمرى أمر
أنا شوفت الخروب عناب
وشوفت السوبيا تمر
جمالها أصله عجيب
وكلامها مالوش حد
أنا قولت كده مش عيب
وبوستها ع الخد
سابتنى وراحت ماشيه
وقالتلى كده كفايه
ومشيت وراها حاشيه
كانوا هنا معايا
=====================
الشاعر عيسى عبد الرؤوف

**********