( عيون الوطن ). بقــلم أ/ عيســى عبدالرؤوف

......( عيون الوطن )..........
من يوم ورايح مش هجامل
وهكشف ستار الظلم فيكى
ومش هقول ع الحر هامل
وهكون عيون الحق ليكى
مافيش قرار خلف الستار
ولا كواليس لحاشية رئيس
ولا فقير يدوق مرار
ولاعميل خاين خسيس
أنا أصلى ناوى منع الرشاوى
ومافيش فقير يعيش ذليل
هجبر رئيسك ف الخير يساوى
ويكون ضميره عنوان دليل
أنا أصلى حاوى حافظ الغناوى
بلاش كلام زى السلام
كلام مسكن ياريت يداوى
عند الحقيقه يشد اللجام
ورق الشكاوى مالى الزباله
بلاش روتين عايزيين حلول
عاملنه ثوره عشان النداله
ولا أنت موظف تبع الفلول
أصل الوليمه وقت الجريمه
تعالى شوف كل الحقايق
ولا إنت عايز ورقه سليمه
من غير رشاوى قاعد مدايق
===================
الشاعر عيسى عبد الرؤوف