نفاق ناعم .. بقــلم أ/ عيســى عبدالرؤوف

........ نفاق ناعم ........
عجبى على جروبات
فيها النفاق واضح
إعجاب مع تعليق
وشير كمان فاضح
البنت فيها ملاك
ع الراس كمان تتشال
ناقص كمان الشاب
يغنيلها كام موال
كلامها دايماً حلو
لو ريان يافجل
ناقص يوفى الندر
ويدبح لها العجل
دنيا ماشيه عكس
وتاهت الاقلام
لو شفنا فيها صراحه
تبقه اكيد اوهام
تكتب كلام شخابيط
وكل يوم تكريم
معجب واصله عبيط
عايز اكيد ترميم
وهى فاكره ياعينى
إن كلامها جميل
خلاص صبحت شاعره
ماتعرفشى انه عميل
بيحب الجنس الناعم
ويتمنى كلام ع الشات
قال يعنى دايب فيها
وقلبه ف غرامها مات
وهوه دا النفاق
والكدب والتضليل
إعجاب مع تعليق
ماشى وراها ذليل
ماحدش يزعل منى
صريح وقلمى حر
ماقولشى يوم ع السكر
صعب وطعمه مر
وإللى مش عاجبه كلامى
مايعملشى هاوسه وزيطه
مايقراش منشورى
ويخبط دماغه ف حيطه
===============
الشاعر عيسى عبد الرؤوف