إخلص فى حبك ياجميل
وإوعه فى يوم غشك
الحب أصله دليل
بيبان على وشك
اوعه حبيبك يملك
ويغيير العنوان
قلبك كمان هيذلك
وتشوف العذاب الوان
مش معنى كلامى
إنك تكون مكسور
أنا أصلى مخاوى
ف الظلام والنور
ارفعلى راسك فوق
ماتكونشى مره ضعيف
خليك فى حبك زوق
وكلامك يبقه خفيف
الحب أصله جميل
لكل مخلص ليه
اغصانه ليك بتميل
وتبقى جوه عينيه
عارف إن الزمن غدار
والحب فيه مابقاش
والصدق اصبح نار
والكذب فيه اهو عاش
رميت شباك الغرام
فى بحر الهوى وانا راضى
لقيته صبح إجرام
وطلع الشبك فاضى
الحب كان زمان
بالقلب والنيه
دلوقتى زى الحمار
لاعش ولابنيه
================
الشاعر / عيسى عبد الرؤوف
الأحد فبراير 01, 2015 7:16 am من طرف 
اليومية
