وطــــن بديــل .. بقـلم أ/ عيســى عبدالرؤوف

.............وطن بديل .........
أسف يامصر مافيش دليل
هلمى شنطى ناوى الرحيل
رافض أعيش فيكى ذليل
ليلك يابلدى لسه طويل

واقفه المراكب من غير رئيس
مافيش وزير فيكى حسيس
مجنون وفيكى لابس قميص
والكل قاعد منتظر العريس

مافيش وزاره شايفه حلول
مشاكلنا فيكى زى السيوول
لافيكى سائل ولامسؤول
والبانجو فيكى تالف العقول

لافيه موظف ولافيه وزاره
والكل لابس بدله ونضاره
وحيطك وواقع عايز محاره
وهمومى فيكى ماليه الشيكاره

لاميه حلوه ولاصرف صحى
أنا همشى منك لازم أضحى
وداوى تانى ألمى وجرحى
واشوف فى غيرك سعدى وفرحى

رئيس وزاره واسمه بلاوى
على خرابك بالعزم ناوى
مشاكل كتيره عايزه حاوى
مسافر يابلدى ع الغربه ناوى

=====================
رباعيات الشاعر عيسى عبد الرؤوف