هتعمــل ايــه ياوطــن .. بقــلم أ/ عيســى عبدالرؤوف

هتعمل إيه ياوطن
لو فرع منك مال
والفقر جارى ورايه
وتعبت م الترحال
لو سابنى مره يوم
ماسك هدوم لعيال
والغنى باصص علينا
بيقول علينا أندال
والفقر زى المطر
تعالى عبى شوال
سابقنى فى كل الطرق
باين عليه خيال
نازل يشق الجسد
والجسد صبح أوصال
وحكومه فى شهر العسل
بتغنى كام موال
كلامها زى الشهد
ضايع مابين إرمال
مسكن قوى للألم
والألم عايز شيال
والقلب ياناس مجروح
ودم جرحه سال
أمانه عليك ياوطن
تشاورلى عللى قال
أعيش فقير طول عمرى
ويتشتتوا العيال
هتعمل إيه ياوطن
لو فرع منك مال
===============
الشاعر عيسى عبد الرؤوف