صباحكوا رنجه .. بقــلم أ/ عيســى عبدالرؤوف

صباحكوا رنجه وزفاره
خارج ببدله ونضاره
وسايب احزانى وهمومى
فى وسط بيتى ف شكاره
فسيخ ورنجه وملوحه
وجناين جميله ومفتوحه
وخروجه حلوه مع موزه
زفره وريحتها مفضوحه
ومعانا ليمون ومخلل
مباراه وعايزلها محلل
وبوسه حلوه ف الجول
محسوبه وانا متسلل
موزه روشه ومجنونه
معاها زماره وبلونه
وشايله مطوه قرن غزال
جديده ماضيه ومسنونه
هبله وشعرها منكوش
وعايزه تاكل فنكوش
وفجأه مسكت ف خناقى
ومين معايا ياعم يحووش
وعايزه تركب مراجيح
وانا مفلس بصحيح
وجيبى كمان صبح فاضى
وفلوسى طارت ويه الريح
يوم واحد صحيح ويتيم
لكن خاين ياعم لئيم
سارق فلوسى بزفارته
مافيش فى جيبى ولامليم
=================
الشاعر عيسى عبد الرؤوف

--------------
::::::::::::::::