الفجر شقشق
وغردت عصافير
ورحت اجيب العيش
لقيتو بالطوابير
عرفونى مين انا
مصرى ولا أسير
جوايا حزن والم
وجراح فى قلبى خطير
العقل منى راح
وتعبت م التفكير
بيصورونا حياه
وتعبت م التصاوير
انا عايز حقيقه ياناس
مش حلم أكل فطير
حتى رغيف العيش
بمكسرات صراصير
واللحم طعمه راح
وكأنه لحم حمير
صفوا دمى ياناس
بيعملوه منكير
جابولى ياناس لحميه
ونومى كله شخير
قولولى فين الخير
هروح أوام وهطير
لو كان فى اخر الدنيا
او حتى ف ابو المطامير
زرعت فيكى القصب
مانفعشى حتى عصير
قوليلى يا ام الدنيا
خيرك عايزله غفير
يقسم بقسمة حق
وماكونشى فى عب وزير
ولا أموت غريق
واقعد فى قلب الزير
نازلين بيشقوا الجسد
وماسكين لنا مناشير
الأحد فبراير 01, 2015 7:16 am من طرف 
اليومية
