القصــة مــش قصــتي بقــلم أ/ عيســى عبـد الرؤوف

القصه مش قصتى
ولا هى دى القصه
تسلملى ها العيون
والنظره والبصه
ورموشها فوق الجفون
مرصوصه دى الرصه
والقلب طيب حنون
بالحب مايتوصه
يللى جمالك ساحرنى
من الضفر حتى الراس
إمشى على قلبى وهدى
انا قلبى اكيد حساس
قلبى ضعيف ومشاعره
مش زى كل الناس
تسقيه هنا وحنيه
يسقيكى الحنان ف الكاس
حافظى عليه وتهنى
بكل وفا وإخلاص
بحبك انا ياعمرى
بس هنا وسواس
خايف تبصى لغيرى
ويشاوروا عليا الناس
جريح مكسور
أعلن خلاص إفلاس
=================
بقلم عيسى عبد الرؤوف