دكتور مجدى .. بقــلم أ/ اتلشاعــر حســن أحمــد

دكتور مجدى

يا سير جاكوب
دكتور مجدى
الحقنى تعالى
شوف قلبى
انا قلبى حب غزال قاسى
فى غرامه ياما غلبنى
يقول انا جاى يروح ماشى
واستناه ييجى يكون جنبى
مواعيده دايما يخلفها
ويقولى معلهش يا حبى
اشكيله يقولى اخر مرة
تانى مرة ها اجيلك من بدرى
يرجع من تانى يكررها
اعمله ايه بس يا ربى
دكتور تعرفش تقسيلى
القلب عشان اعرف اخبى
ولا هات غيره ازرعههولى
حطلى قلب مكان قلبى