بنت حلوة .. بقــلم أ/ حســن أحمــد

بنت حلوة

عرفت بنت حلوة وشقية
امورة هى لكن غبية
من اصل طيب والقلب طيب
وكمان بسيطة وعاطفية
لسانها اطول من ليل حزينة
وساعات خجولة قال مستحية
عيونها تسحر سودا تجنن
والشعر اسود وكمان غنية
لو قلت حاجة الصبح ليها
تنساها دايما ف المغربية
تفهمنى بعد تالت اعادة
وتقولى فاهمة دا انا مية مية
واقول غبية ترد علية . ...طب اعمل ايه ف البنت دية ...... .لاهى فاكرة ولا هى فاهمة .... .. اخنقها يعنى واجيب رزية
ان قلت امشى تقول شوية
وان قعدت بتمشى هية
على امتى ييجى عريس ياخدها
وفوقها بوسة كمان هدية