طبيبة نفسية (2) .. بقــلم أ/ حســن أحمــد

طبيبة نفسية (2)
شكيت لطبيبة نفسية
بعشق غزال مش ليا
هجرنى وسابنى اتعذب
وخلا النوم جفا عنيا
قوليلى رأيه ايه الطب
ف قلبى اللى اتبلى بالحب
قالت أسمع كلام منك
قلى وصف محبوبتك
أحكى وقول وخد راحتك
قلت عنيها كيف الحور
اشوفها العقل يفارقنى
وان هلّت يهل النور
وان غابت تجننى
وأما الوش بدر بدور
ولمسة ايدها تسحرنى
قوامها غزال كده ف رسمه
ومن شافها بينسى اسمه
قالتى دواك هنا عندى
غزالتك جت هنا شكتلى
عذاب الحب من بدرى
وحافظة رقمها ويايا
انا ها اطلبها تيجى قوام
ف ساعة تكون هنا معايا
وهات مأذون وناس شاهدة
علاجكم عش يجمعكم
وقيموا الفرح ف القعدة



************