طبيبة نفسية .. بقــلم أ/ حسـن أحمـد

طبيبة نفسية
انا يا طبيبة نفسية
عشقت غزال مش ليا
وعقلى كان كده عارف
لكن قلبى غدر بيا
وكنت من الهوا خايف
قابلت حورية انسية
بينى وبينها يا ما بحور
صحارى وشوك غير المية
ياما العقل حاول فيه
وقاله يا قلبى مش هيه
واول عينى ما شافتها
ساعتها ما دريت بيا
عيونها السودا سحرتنى
خدتنى كمان من الدنيا
قوليلى يا ستى اعمل ايه
اجيبها منين ف جنبيا
دا طيفها ف ليلى بيزورنى
ينسينى اللى حواليا
وان نامت كده عينى
تيجينى ف حلمى جنية
بدور فى وشوش الناس
اقول يمكن تكون هيا
اقول اقرا عشان انسا
اشوفها ف قصة محكية
شوفيلك حل ف حكايتى
قوام يا طبيبة نفسية



*************