محاكمــــــــــــــه بليــــــــــــــــد
مدى ايدك
جوه قلبى
و اخطفى كل اللى فيه
مدى ايدك
دا الوصيه
ان انا فى عرفك سفيه
مدى ايدك جوه حلقى
بيعى اى حاجه تلقى
بيعى فشه
بيعى كليه
بيعى حتى فى الموبيليا
بيعى حتى فى الحيطان
بيعى برواز كان لابويا
قولى كان من الانتيكات
و ان مجبشى اى عمله
ارهنيه زى اللى فات
بيعى حلمى
بكيلو قمح
كل يوم بااشتال فى ملح
مدى ايدك جوه منى
لسه ياما خوف ساكنى
عتمه فوقها الف عتمه
عايزه الف و 100 مهاتما
لسه ليه يا مايه بكمه
اعلنى وقت المحاكمه
بروزى القفص الحديد
كل كلمه فيكى طارحه
طرحه ملفوفه بشهيد
بيعى فيناو اقبضى
و اسكرى بتمن العبيد
مدى ايدك جوه منى
و اقتلى الامل الوحيد
وابدرى ع القبر حنه
و اكتبى ... مات البليد
نشرت بجريده المساء المصريه
الشاعر / اشــــــــــــــــــــرف الشنــــاوى
البرامون - المنصوره
الأحد فبراير 01, 2015 7:16 am من طرف 
اليومية
