( يمكن نكمل ) تكملة للقصيدة كمل انت .. بقــلم أ/ أشــرف الشنــاوي

( يمكن نكمل ) تكملة للقصيدة كمل انت
-1-
لما تكون
نايم
وجيوبك
تتجمرك
هتقول ايه
غير انك
هتغنى
ياسيدي امرك
-2-
نفسك مره
تحقق حلم
وتحس انك
عايش ف سلام
قولى هتدفع كام
وانا اقولك
-3-
طول عمرك
رافع رايتك
ومسلم
شايل جواك
كام حلم
ما تتكلم
فضفض
عن روحك
يمكن نتعلم
-4-
مستنى القطر
يهدي
علشان تنزل
مستنى محطه
قبل الكمسري
مايعدي عليك
ويقولك تذكرتك
آآآه معلش
انا فكرتك
ناوي تزوغ
-5-
نادى باأعلى
ما فيك
والا حد هيسمع
غناويك
عارف ليه
علشان الكل
اهو ملك
ومفكر انك
طاير
وانت بتجري
محلك
-6-
قاعد على باب
الدار
مستنى تلمح
اى نهار
او حلم يعدي
يشوفك
صدقني كان
قبلك ناس
قاعدين
بس انت طلعت
ح م ا ر
-7-
قاعد تحسب
وتعد
كان قبلك
اب و جد
وابنك صدقني
مستنى تموت
علشان مايهد
او يحسب تانى
ويعد...
الشاعر/اشرف الشناوى
البرامون-المنصورة



***