(دين ابوكو ايه) .. بقــلم أ/ اشــرف الشنــاوي

(دين ابوكو ايه)
مش خزيان
من نفسك
مش حاسس
بالكره
ف عين الناس
مش حاسس
انك منبوذ
مش شامم
ريحة دمى
على ايديك
مش كل فلوسك
برضه حرام
ازاى هتنام
وضميرك
مش واجعك
ومفيش مره
عقلك بيراجعك
و اﻻ احنا بننفخ
ف القربة المخرومة
بتتوضي
وبتصلي
وبتسجد
وبتركع
بتنافق مين
بتنافق ربك!
ملعونة وشوشكم
ملعونة
دا انتو خﻻص
كفرتونا
ونسينا ان احنا
علي ملة اسلام
لو دينكم
هو الدين
صدقني
هعمل تمثال
م الطين
واصلي له
انا اول كافر
وبدينكم
يحرق دينكم
اللي بيقتل
بني آدم
عمال بيحارب
على لقمة عيش
وتقولي دا شرطة
وجيش
مصر دي واحد
ولا قسمة وضرب
انتو اللى فتحتوا
الباب ياكلاب
للحرب ....!!
الشاعر/اشرف الشناوي
للبرامون - المنصورة