شاعر أيمن صبري أبوعماد
(سألونى)
سألونى عنك يا مصر أنا ليه باغنيلك
وليه بافرح لفرحك وأحضن هوا نيلك
وليه بابكى لجرحك وأنعى قناديلك
سألونى عنك يا مصر أنا ليه باغنيلك
وبرغم جرحى اللى كان وأسوة مواويلك
لكن دا أنتى مصر أهرب منك وليكى
ماهو أنت زينة البلاد ياطيب مراعيكى
سألونى بتحب مصر قلت سؤال أجوف
ما تقولوا مصربتحبك يبقى السؤال أظرف
دا لونى من شمسها وسماري من طينها
وهمسى من عشقها واكتافى من خيرها
والله رغم الأسى لكن باغنيلها
وبرغم ظلم البشر عاشق سجى ليلها
دا مصر حتة دهب من ياقوت حر
أصيله ومن أصلها صنعوا لآلئ دُر
ورجالها رغم الأسى ورغم سنين المر
قام التاريخ وانحنى وقال دا شعبها حر
لو يسألونى يا مصرأنا ليه باغنيلك
وليه حفرتك نغم موسوم بحنينك
راح أقول باحبك يا مصر وفى شعرى ح أغنيلك
........... شعر / أيمن صبري زنون . صنصفط منوف
الأحد فبراير 01, 2015 7:16 am من طرف 
اليومية
