محكمة الحب .. بقــلم أ/ حســــن أحمـــد

محكمة الحب
يا سيادة القاضى
انت وكل المستشارين
نفسى اشكيلكم ظلم حبيبى
ليه مش راضى
يسأل عنى بقاله يومين
اصله وعدنى ها يفضل جنبى
مش ها يغيب ساعة عن العين
وفضل يحلفلى ويقولى
انت حبيبى وحلم سنين
كنت ف حالى
عايش راضى
لا اعرف حب وشوق وحنين
ولاقيته جالى
ما اعرف دخل القلب منين
بعد شوية لاقيته سايبنى
حتى مكانه ما بعرف فين
يرضيك كده يا سيادة القاضى
قلى اجيب الصبر منين