"كيف تحتفل بعيد الحب وأنت "سنجل" ؟! "
بص يا سيدى..أولا: بشرى سارة ،معظم المتزوجين ، لن يقدموا هدايا لزوجاتهم ، أنا بحثت الموضوع بنفسي ، وتأكدت ..سألت زملائى فى الشغل ، كل واحد على جانب ، واكدوا فى سخرية ، أنهم لن يشتروا هدايا ...
أذن كده الرؤوس تساوت ...هههههههه...
ولكن كيفية الاحتفال للسناجل :
قف أمام المراة ، وتأمل نفسك ، هتلاقى قمر..والنبى قمر .. افرح بنفسك ، وأحمد ربنا...
وبعدين شغل فيلم أبيض وأسود ..رومانسي حالم ، وأقعد أتفرج عليه ، ولازم يكون فى أيدك "ماج" ، به شئ تشربه ، كمان "حتى لو مش بردان" ، شغل المدفأة جنبك ، وأقعد على كرسي هزاز .. يعنى أعمل لنفسك جو ...
كمان أتصل بصديقك المفضل ، وأقعد أتكلم معاه فى أى شئ عبيط ، بلا معنى...
وأوكد لك أنك بعد كل هذا ، ستكون فى حالة رائعة .. واذا لم تشعر بعد ذلك أنك فى حالة رائعة ، وظلت حالتك يرثا لها .. تذكر:
للبنات: تغير "البامبرز" ، للاطفال بعد الزواج والانجاب .. يا دى القرف...
للرجال: انت الان حر .. سيد قرارك ، تخرج بحرية وتعود متأخر ، دون عقاب او نكد ...
وكمان قراءة رواية أو كتاب ، يساعد جدا فى تخطى الموقف الصعب ده .. انك تكون "سنجل" ، فى عيد الحب ...
بقلم / مى الحجار
انا بقى عملت كل ده .. ولسه عايزة ، ورد ودبدوب .. ياررررررب...هههههههههههههههههههههههههههههههههه
الأحد فبراير 01, 2015 7:16 am من طرف 
اليومية
