صبــاحك بركــة .. بقــلم أ/ غـــادة عبدالله

غاده

سيادة المواطن

صباحك بركه
قوم كده واستفتح وعد قروشك وهز عروشك وقول يارب
ها تقول لى قروشى وفهمت
ايه بقه عروشى دى ؟
ايوه هز عروشك وقل لها انا جاي
وحياة ربى القيوم الحي
انا جاي
مهما طالت السكه انا جاي
كل عروش الدنيا ملكى انا انا الاصل وكل الفصل طول ما انا لسه على وش الدنيا ارزق
عد القروش وقول للعروش انتم ملكى من يوم ما عرفت الدنيا يعنى ايه علوم ولا فهوم ولا فنون
واوعه من ال يغشك ويتخن كرشك بطاله وغناوى عماله تيأس فى روحك ان بكره عمره ما هو جاي
وافتكر دايما وانته بتعد القروش
انه ياما زالت عروش
ولا دايم الا رب العرش سبحانه مالك الملكوت الحي الذى لا يموت
ولا يغرك ال يقول لك انته مين يا ابو قرش
رد عليه بقلب جامد وقل له
انا سيادة المواطن
سيادة المواطن :
صباحك بركه يا فندم