غاده
ويمر الخلخال
بدلال
ويحكى حكاوى
ولا الف ليله وليله
الطويله
من غير كلمه واحده
ولا حتى لفته
ولا حتى طرفة رمش على غفله
ويرن كل رنه ورنه
يخلع قلوب
ويدوب دروب
ياما مشى عليها جدعان
كل ال فضل منهم يادوب
حكاوى
تتغنى بالقهاوى
عن خلخال
شغل لهم البال
وكان لما القمر يكمل
ينطق بريحة العنبر
محال ..محال ...محال
ده خلخال وله رنه
موش اى رنه
ده رنته تجيب الفرحه
من قلب العتمه
تنور بيها للسعيد
دنيته
والسعيد
عارف ابو ال جاب الخلخال
وصاحبته
وحلف
ما ينام
ولا يحكى من الكلام ولا اى كلام
ولا يدوق الزاد
ويحرم عليه الزواد
يمين شهد عليه اهل الحته
وجمع مهره كل بلد حته حته
وان سألوه
تطلع مين دى ال شغلتك
وسهرتك
ولففتك بموال
يسمعه كل ال حب وال ها يحب
وال نال من المنى منال
يقول
دى ام الخلخال
ال عليها العين والنيه والقلب لها مال
وال دوبتنى
وسهرتنى
وخليتنى موال
ماشى على رجلين
اجمع بعرق الجبين مهرها
الحلوه
ال الحلال يحلى لها
وال الدلال اتفصل على قدها
وال عرف انا سرها
الحلوه ما تهواش الا الجدع
ال دخل لاهلها
وقال
انا هنا على الباب
لا ها اسافر ولا ها اخطى عتاب
ولا ناوى انعى حظى وقول فيها ملام وعتاب
انا هنا
وموش ماشى الا وانا خاطب ودها
وان طلبت الضى
اخطفه من عيون الحي وفوقها عيونى
واجمعهم فى يدها
واقول
الحلوه
الغالى
يرخص لها
ومن يومها والخلخال
اغنيه
تتغنى بيه كل صبيه
ويحكيه حكاوى
على القهاوى
كل ال ناوى
يكون الشاطر حسن
لحوريه بخلخال
مهديه
بحنيه
وحبات خلخالها ترن
بخفه من غير ما تهدى
ولا تحن
لغااااية
ما يوصل على باب بيتها
جدع
ناوى
يلف البلاد
يجمع النجوم حبات حبات
ويلضمهم عقد ويجعلهم مهر
لست البنات
الأحد فبراير 01, 2015 7:16 am من طرف 
اليومية
