يا تاج عز على الجبين ومين يا غاليه يحبك انا قدى
يا ناسى واهلى وعرضى وشمسى انا وقمرى
يا نسر يضوى يعمى نظر عدوى
يا برج عالى وحورس وفارس حارس بينادى
بميدان يردد بعلو الصوت يا مصر يا امى
افديك والله يا غاليه بولدى انا ودمى
يا هرم شامخ وقلعة مجد حالف براس جدى
لو الف عدو ما راح اتهاون انا بشبر من ارضى
انطق يا ابو الهول يا شاهد عيان على حضارتى
بلغ العهد الجديد انى للامد هفضل رافع رايتى
يا جندى شايل سلاحه على صدره وبروحه بيضحى
ويا صانع بالمصانع مهما اختلف لونه دمه من دمى
ويا دارس بمدرسة الخلود اقرا بمعابد الكلمه هتلاقى
من امد الزمان مكتوب على جدرانه اسمى وحضارتى
انا اخر حضارات الفراعين ورسم الكلام دا فنى
وحالف يا مصر لارسمك جنه واكتب بالتاريخ مجدى
بقلم
=== راسم محمد
****************
الأحد فبراير 01, 2015 7:16 am من طرف 
اليومية
