اوعى تكون مستنى .. بقــلم أ/ راســم محمــد

اوعى تكون مستنى حد يحس بيك
اوعى تنزل دمعه تطفى شمعه
قادت فى يوم فى الضلمه ليك
خليك عنيد
واياك اشوفك يوم زى العبيد
افرد جناحك واياك بيوم تسلسل اديك
خليك كده فنان لنفسك
اوعى شىء فى الكون يهزك
خليك رسام زى الحمام
اعلى ورفرف فى الفضا
وحتى لو العمر انقضى
فى لوحه مش فاهمين مسارها
اقرا وترجم على الملا
علمهم ازى ما ينقدوش
قبل ما توضح الوشوش
وتعلن عن وضع الرطوش
واياك تثور وتقول دى ناس مبيفهاموش
ولا تقطع صفحتك
وفى صفحه تانيه ترسم وحوش
بدل الغضب خليك صبور
وبرشتك والونك
ارسم لهم فى وسط الضلمه نور
وفى وسط صحرا
ارسملهم الف زهرة وورود وخضره
واوعاك فى يوم تستنى حد يقيمك
او بكلمه حد يقدر يهدمك
او حتى فى يوم الكل ينادى ليك
الله عليك الله عليك
احنا فى غنا
داحنا فراعنه بطبعنا
طول عمرنا
مهدالحضارة للامم
منذ القدم
المصرى دايما هامته عاليه
ومثالنا فى العز العلا
حتى اسال النيل وبرج الجزيرة والهرم
دا حتى نسرى على العلم
بيحكى تاريخنا على المدى
طول عمرنا قناتنا ونيلنا وارضنا
مقبرة للغزاه والطامعين والعدى
اقرا تاريخا وشوف كدا
المصرى اصلى فرعونى ازلى
وكلمنا واضح عامى وحصرى
وبامر ربى راح تفضل رايتنا بالعلا
دا احنا الحضارة واحنا المنارة
وكلامنا دايما له صدى
بنفدى بلدنا بكل غالى
حتى بروحنا ودمنا
بقلم
=== راسم محمد

-------------------------