غاده
سيادة المواطن
صباحك
مرح ..فرح ..تفاؤل ..سعاده حتى لو كده وكده ..أمنيه أكيد متحققه
ان شاء الله كل ده وزياده ومعاهم ابتسامه دايمه من القلب
ياترى ؟
يا سيادة المواطن
تعرف ان الدنيا دى زي محل العطاره
لازم تزوره وتشترى منه بمزاجك او حتى غصب عنك
صحيح الريحه نفاذه
والالوان جميله اخاذه
والطعم لذيذ لذاذه
وساعات يكون كتير لاذع بفظاظه
واحيانا يكون مبكى بالدموع بكل غزاره
بس
ها تزوره ها تزوره
وبما انك مجبر يا بطل على دخوله
اسمع منى النصيحه دى :
ان جات لك الشطه ودمعت منها قل لها السكر النبات
يطفى الجحيم لو موجود
وان لسوعك الفلفل الاسود قل له الدقيق
بكره ها يبقه عيش بالصبر يجود
وان البهار لوع ليلك قل له مافى ليل مهما طال
الا ووراه نهار بشمس عنود
وان دقت الحلو و لا المر عيش وانت مؤمن
بأن مادايم الا وجهه سبحانه ربنا المعبود
الأحد فبراير 01, 2015 7:16 am من طرف 
اليومية
