الكدب-----زجل الدكتور صبرى إسماعيل
*****
الكدب عيب ودمار وحرام--ودليل نفاق قالها الإسلام
عجيبة ياللى اسمك كداب-------ازّاى تروّج بالأوهام
*******
الكدب عمره مالوش رجلين---بينكشف لو بعد سنين
لو قلت عندى جبل الماس--ألفين سؤال هيقولك فين؟
******
ياما ناس بسيطة وغلابة------بيصدقوا شغل الغابة
الفيل قلب أصبح عصفور------والنمر خطف الدبابة
******
والمنيا قلبت جنب الصين-----واسكندرية بقت برلين
وأميركا وصلت لفرنسا------أمّا اليابان نقلت شربين
*****
الكدب عار وأخسّ سلوك--تشعربأيه لويوم كشفوك
الشك يدخل بالتمرير------أمّا انت ليه بتسئ لأبوك
الأحد فبراير 01, 2015 7:16 am من طرف 
اليومية
