ميهمنيش .. بقــلم أ/ هشـــــام عـــوض

ميهمنيش
------------
---------------------------
إضرب فـ صدري بقنبله
...ميكفنيش
-
إضرب كمان مش معضله
...وانا ليه هعيش
-
هي الحياه مش مسأله
...أو أروح ماجيش
-
بعد الكرامه محصله
.ماخلاص مفيش
--------------------
عايش حياتي فـ بهدله
وبشوف قصادي المقصله
حتي النفوس متبــــــدله
تهرب بعيد متنصله
وتسيبلي جيش
-------------------
صدري فولاذ لو تضربه
والدم لو راح تشربه
إياك ترابنا تقْربه
لو كل ناسكم ترغبه
متردنيش
-----------
مسكين يجوز من نظرتك
وفـ إيدي طوب فـ مواجهتك
وانتَ بسلاحك حضرتك
لابس وجايلي ببدلتك
وانا لبسي خيش
---------------------
لكن عليك ونويت أثور
جوايا قلب شجاع جَسور
هيفوق مدافعك والجُسور
إحنا النسور وولاد نسور
ميهمنيش
------------
-------------------------------------
بقلمي ... هشام عوض محمد
السبت ... 29-3-2014م
-----------------------------