أزاى ..............أعود ؟؟
لملمتى كل العطر من صدر الورود
خليتى إيه ...اشتاق إليه ..........؟
أرجع إليه ...............؟
مش دية أرضى
الشمس نورها نسجتى منه
توب حدود
وازاى اقرب
أخاف على قلبى الضعيف
وانا قلبى ..مش حمل الحريق
حتى النهار شقشق
بفجر جمال عنيكى
وأخدتى من برق السما
أجمل بريق
كحلتى رمشك بالضيا
وانا ف مكانى
مغطيانى عباية من برد وجليد
راضعة الخضار من قلب
شريان الشجر
لحن الوتر
أصبح فى صوتك ناى وتايه ع الحدود
صوتك نغم
غار الوتر .وحس انه مش ابن عود
وازاى اعود .......؟
حتى ان ضعفتى ودمع عينك
دة مطر ......يحيى الحياة
الأرض ترقص يوم ما يلمس خدها
تحلم فى يوم .تنزل دموعك
تستجير من بُـعدها
بشهدها
تعمل فرح ...أجمل خدود
لو قلت أرجع بالنهار ...
با لقى الحصار
عينك رموشها سلاح بيدبح
ألف حارس
ليكى حارس
غير نهود ..واقفين جنود
دة انا لو عملت فارس شجاع
أو حتى قلت
أنا إبن ليل
فى الليل اخبى من ملامحى
واخفى عينى
فى الزوايا المحفورين على جلد وشى
واخفى كل سنين شقا يا
ممددة حتى الوريد
تخوننى إيدى ...ترتعش
يقع سلاحى ..يزيد فى وجعى
رجلى ترفض خطوة واحدة نا حيتك
مـدّة إديكى كأنها بتقولى قرب
على فين ح تهرب ....؟
إرمى كل اللى ف عينيك
من خوف عليّــة
ودراعاتك ..فاتحة دعوة للدخول
فى حضان حنانك
حاسس بعجزى
يزيد فى أوجاع محنتك
ما اقدرشى اعود
أرمى نفسى بين إديكى
أبكى ...أصرخ
ألقى كل اسوار حدودك
حاضنة حضنى
والقى كل اشواق عنيكى
ورد طارح
والعبير والخضرة
جنة فوق شفايفك
أبدأ اشرب
أطفى شوق ..ما لهوش حدود
تحضنينى ....تعصرينى
أحضنك ...مرمر فى حضنى
إزاى فى يوم خنت العهود...؟
وقدرت اقول ...أنا مش ح اعود
بـقـلـــــــم ا لــشــــا عـــــــر
أ بــــو عـــمـــــا ر ا لــمــصــــــــــــر ى
الأحد فبراير 01, 2015 7:16 am من طرف 
اليومية
