انوووووووثة
كنت ماشى فى الطريق قابلتنى فى الميدان مذيعة.تسمح تقول كلمتين علشان احنا فى الشمس طالعين ولازم نروح و حرانين وكله يا باشا سلف ودين .قلتلها مالك فسرى لى عاوزة ايه اتكلمى عاوزة ايه الشمس بتنطح وبتجرح والميدان مافهش مطرح قالتلى بس كلمة طيب يا ستى اتفضلى قالتلى معنى الانوثة؟ معنى .الانوثة وبصيت عالطابور اللى واقف يتكلم عالانوثة شعب غلبان مايعرفش غير عيشه وغموسه والعرق بيشر منهم .قلتلها ليه؟ و عشان. وامتى سيبى اللى راااااايح يروح واللى جااااااى يلحق يروح للولاد ازاى يا شاطرة تضيعى وقت العباد والا انت مضيتى دفترك وبتملى خانة حرام عليكى دى الناس دى شقيانة وتعبانة رايحة تدور عالرغيف والطابور قاسى وطويل مابينتهيش اما انا اللى فيا يكفى بلد وماينتهيش يا شيخة روحى دورى على حد تانى يكلمك عالانوثة.المهم شدت ولحت لا اصرت لا الحت قلت ياد بدال كده قول وخلصنا هانطق هانطق واااااطق. الانوثة ياستى مرفت موسى الانوثة اسراء الشهيدة اللى نسيناها وصبحت بعيدة الانوثة ام جندى اخت انس ام جيكا وام الوليد اللى انطفا نوره قبل مايطلع للحياه لما فى بورسعيد حدفوها قلالات الحيااااااا الانوثة بنت شقيانة وتعبانة بس لازم تكمل وتجيب شوارها الانو ثة بنت ماشية فى الطريق قابلوها كلاب سعرانة وشدوا حياها ولحقها ولاد البلد وغطوها بجلباب اخوها الجدع اللى ماشى فى الطريق الانوثة كل دول ودول ودول الانوثة غيرك انت يا مرفهة وبتضيعى وقت العباد والبلاد الانو ثة باختصار باختصار الانوثة فاتن حمامة فى فيلم الحرام وايامنا الحلوة تعبانة وشقيانة لكن بهية وعينها مليانة وتلاتة جدعان زى الورد حبوها وعشقوها الانوثة نجاة ساكن قصادها وبتحبة وتتمنى تقابله وضاع منها الامل الانوثة نجوااااا فى الارض مع عزت وعم المليجى الانوثة شادية غاب القمر عنها ولسة بتنادى حبيبها غاب القمر يابن عمى ياللا روحنى دى النسمة اخر الليل بتفوت وتجرحنى الانوثة كل دول اعجنيهم ودوبيهم واعملى منهم عروسة ولبسيها طرحة حبيبتى ولبسيها طرحة حبيبتى طرحة قصبى وتوب اخضر مجرجر ولامة الضفاير تبقى دى هى الانوثة الانوثة مصر المحروسة ااااااااااه اااااااااه ااااااااااااااااه يااااااااابلد خسرت شبابها وكيانها فى كدبة من دقن عيرة ولسان اتعود عالريااااااا والشتيمة فى خلق لايصة ويتعد الليالى مش لاقية تاكل.يااااارب والاخت جاية تسالنى ايه ايه ايه الانوثة يا شيخة روحى بلا حوسة
الأحد فبراير 01, 2015 7:16 am من طرف 
اليومية
