خليك فى حالك
مالك ومال الناس
وليه شاغل نفسك
فلان ده جاله منين
عدلت على ربك
وفلان ده بيروح فين
طب وانت مال اهلك
وفلان بنى وعلا
بقى عندو كذا فيلا
يا عم شوف شغلك
وفلانه اخت فلان
تعرف كمان علان
وتقابله كذا مره
طب وانت ايه دخلك؟
تقول عليها كلام
ربك سميع علام
هايقولوا على اختك
.........................
ياللى تشوف الغبار
على هدوم غيرك
وفلان ده طيره طار
دور على طيرك
توبك ملان بالطين
شيفاه عيون غيرك
........................
المولى الى وهب
هو عليم بالناس
ادى فلان ده دهب
وادى لغيره لماس
وادالك انت كتير
شيفاه عيون الناس
.......................
يا اخويا احسنلك
صلح عيوب نفسك
خليك كده ف حالك
واعبد كده ربك
ادعيلو يغفرلك
يستر كمان عرضك
وربنا غفار
يسامحنى ويسامحك
الأحد فبراير 01, 2015 7:16 am من طرف 
اليومية
