كان نفسي حبيبتي .. بقــلم أ/ شاعــر المحــروســة

كان نفسي حبيبتي أغنيلك

كان نفسي في يوم فرحي أشيلك

كان نفسي في أحضاني أبنيلك

أغلي وأحلي وأجمل قصر

بس قدرنا فرق ما بيننا

لعب حبيبتي في مصيرنا

وكان نصيبي إني أشيلك

بس عشان تتحطي في قبر

ليه مكتوبلي إني أفضل عايش

عامل زي الورق البايش

غرقان في دموعي وفي الآمي

وسعادتي ليه فاتها القطر

قلبي أنا بعدك تاه وإتغرب

والحزن أنا فيا بقي يعذب

نفسي حبيبتي نهايتي تقرب

علشان عندي فرغ الصبر