حكايه روح .. بقــلم أ/ أحمــد رأفـــت

....... حكايه روح ..........
.... هى حكايه قلب عاش مش مبسوط
.... زهق من حياته وكتير اتمنى يموت
.... كان عايز يعرف بعد مماته
.... مين مش فارق معاه حياته
.... ومين هيبكى عليه بأعلى صوت
.
.... قلب عاش كتير مهموم
.... ومن اقرب الناس كان مظلوم
.... اتمنى كتير قيامته تقوم
.... وروحه تطلع السما وتروح
.
.... وبعد لما طلعت الروح
.... من القلب الحزين المجروح
.... خلصت حياته وانتهت
.... من غير ما يفضفض ويبوح
.
.... وبداءت الروح فى كل مكان
تيجى وتروح
.... شافت الدنيا بعيون تانيه
.... إكتشفت إن الحياه نعمه للأنسان
.... يعنى الانسان لو فكر ثانيه
.... هيعرف نعم ربنا ومنها نعمه النسيان
.
.... إرضى بحياتك وبالمقسوم
.... مهما كنت فى دنيتك مظلوم
.... الحياه مش كلها الم وهموم
.... اصل الدنيا بتدور
.... يوم عتمه ويوم نور
.... يعنى الحال مش بيدوم
lyrics : ahmed raafat