لــو هاقوللك .. بقــلم أ/ أحمــد ابراهيــم

لو هأقولك

ع اللى عايزة تعرفيه

انتى كلك

جوة قلبى وساكنة فيه

انتى ليا كل عمرى

انتى شمسى وانتى قمرى

ليكى بس القلب يجرى

قبل حتى ما تناديه

ياللى حبك صحى فيا

كل حاجة حلوة فيا

بصى فى جفونى وعينية

ضيك انتى هتلاقيه

بنده عليكى اسمعينى

افهمى قلبى افهمينى

ليه بحبك تقتلينى

وحبك انتى بخاف عليه

مش هاخبى ومش هادارى

اه يا حيرتى واه يا نارى

طول غيابك وانتظارى

صعب اتعود عليه

انتى ليا كل حاجة

احلى فرحة واحلى حاجة

مش ناقصنى اى حاجة

الا حضنك اموت عليه

احمد