إنتوا مين؟ .. بقــلم أ/ سلــوى علــي

إنتوا مين؟
إنتوا مين؟
يالي ب تطفوا ب أديكم
كل شعلات المبادئ
يالي حولتوا الليالي كلها
لليل حزين
يالي عاوزين الظلام
ييجي يمحي كل فجر
يلغي كل أنوار السنين
فين أصولنا
فين جذورنا
راحوا فين الطيبين؟
ليه بنرسم صورة وحشة
عن حبيبتي
عن ولادها الشقيانين
مصر مش حمل الكلام ده
مصر عاوزه إيد وجامده
تبقي جنب
نهر جاري
من الحنان م الحنين
عاوزه نخرج من مسيرة
ماشي فيها السكرانين
نجري ناحية
نهر ميه
لأجل نسقي العطشانين
مصر ح تجمع ملامح
تايهة منها من سنين
كل ملمح شخص فيها
يبقي واحد من ولادها الحيرانين
بس بكره الصوره توضح
وينتهي زمن الأنين
ساعتها بس حعرف إنتو مين
بقلمي
همس مصر
سلوي علي محمد

////////////// \\\\\\\\\\\\
*****************