حلم الحريه .. بقــلم أ/ صهيــب الرفاعــي

حلم الحريه
زنزانه
قياسها بالمتر والسانتي
صراخ البطل
أسمعو
من سجن نفحه
والنقب
يعانق قلب أم
بالأاااه نفلق
الله وحده يعلم
أكم من ميل
قاطع صوت
صراخك
يا أمي الحكم
مؤبد
والصرخه منا صرخة
ولد
الصرخة يا أمي
زئير أسد
ما بدي دمعه
ولا ولوله
بدي أسمعك
بدي اسمع صوت
الزغاريد
صوت الحسون
والشمس تنثر خيوطها
ع الشجر
تبكي على غيابي
أسير كرمال الوطن
ما اجملك من قدر
فلسطين
أفديها
أرويها
بالروح ، الدم، العمر
الأرض منا غريبه
يا أمي
الأرض أرضي
أرض يافا وحيفا
أرض جدي والحاكوره
المخفيه
بسجن وبرج
ومن حولي نجمه
داوود والدوريه
حلمي أكبر حلم
أحضنك
أعانق شمس
أه يا أمي
شو مشتاق
لصبحيه
كأس الشاي
من ايدك والميراميه
اسمعت يا امي
على الرديو
من فجريه
اسمي برأس القائمه
للحريه
ضحكت وبكيت
ودمعي على خدي شلال
يحاكي روحي
قوم ، أصحى
أمك
بيك
أخوتك
أهلك
بلدك
عم يستنوك
بقلم :صهيب الرفاعي (فقيه)
كفرعين -رام الله-فلسطين
هذه القصيده بمناسبه يوم الاسير الفلسطيني

\\\\\\\\\\\\\\////////////