دنيـا البشـر بقــلم أ/ سلمــى سالــم

................. دنيا البشر .................

يا دنيا فيكى العجب والصبر فيكى قليل
فيكى البشر أنواع بوجوه كتير بتدور
مسرح و فيه أراجوز و بيتقن التمثيل
وناس كتير تتفرج وناس تعيش الدور
فيكى اللئيم مكار وصفات لكل فصيل
فيكى الحرامى شريف لطبعه يبقى فخور
فيكى اللى أصله منافق لموت ضميرة يميل
فيكى الأصيل يتباع وفيكى الخسيس مشرور
فيكى الجبان بيخاف ولجبنه ما فى مثيل
الغش فيكى طباع والصدق مات مقهور
يسبوا فى الأعراض ويقولوا فيه أقاويل
يغتابوا كل الناس عاشقين شهادة الزور
فيكى الفقير مدفون ولا مال بيشفى عليل
فيكى الغنى مرتاح ساكن كمان فى قصور
فيكى الضعيف متهان عايش بقلب ذليل
فيكى القوى طماع بفلوسه عاش مغرور
على فين يا دنيا البشر ما تقولى فين رايحين
فيكى النفاق والعبر والقلب فيكى صبور
أنا مهما قلت يا دنيا فيكى هقول مواويل
والغدر أصبح فيكى وكمان دا شئ مشهور