أنا شاعر ومش شاعر .. بقــلم أ/ عيسى عبدالرؤوف

أنا شاعر ومش شاعر
أنا ماشى ف طريق واعر
أنا يدى فى كل جحور
أنا طافى لهيب ساعر
أنا شاعر بمرارة كاس
ومش شاعر بحب الناس
أنا صوت الضمير فيكى
أنا كلى وفا وإخلاص
أنا شايل هموم غيرى
أنا سامع أنين طيرى
أنا مداوى جراح شعبى
أنا راسم خطوط سيرى
أنا المادنه أنا المدفع
أنابعمرى كمان هدفع
ولو طال الزمن يابلادى
الظلم خلاص ماعاد ينفع
أنا الغنوه أنا الموال
أنا قمه وشموخ جبال
أنا حالف ألم شتاتك
واجمع فيكى كل أوصال
أنا هرمك أنا نيلك
أنا قمره لظلام ليلك
أنا حالف لتبقى عمار
وعلى كتافى يامصر أشيلك
================