الســــــــــــــوق
دخلت السوق أتمشى ومعايا شويه اصحاب
أول السوق لاقينا خناقة بصوت عالى وعتاب
الغريب الخناقة كانت من غيرضرب ولاسباب
وقفنا نتفرج كانت الحكايه خلاف على الحساب
واحد كان ماسك نوته والتانى سجل زى الكتاب
دقايق اتصافوا وضحكوا ورجعوامن تانى احباب
مشينا نتفرج وكان فيه خلق واقفين على كل باب
ده تاجربقاله وتانى كان تاجرقماش فارد الأتواب
كمان تاجر بيبيع الحديد وفيه تاجر يبيع اخشاب
وفي تاجرالعطاره صنعته بيعالج الخلق بالاعشاب
في تاجر أمين فى صنعته و كتيرمن التجار كداب
فيهم من باع زمته زى البضاعةيعنى نقول نصاب
والدنيا سوق البشرفيها الأسود وفيها كمان كلاب
فيها اللى راضى بقسمته وبيعيش بياخد بالاسباب
فيها ناس بتكسب دهب وناس بتاكل لقمتها بعذاب
فيها ناس فطارها شقى وناس غداها كفتة وكباب
في اللى عامل نفسه حمل وجواه ديب شرس بانياب
وده شايب رايح يشترى عطارة ترجعه تانى شباب
ناسى إن اللى ضيعه الزمن مالهوش من تانى إياب
وناس دخلواالسوق حبايب وفى بيعة صارواأغراب
ياخلق بقى فوقوا وافهموا دى الأخرة على الأعتاب
غنى وفقير اوملك وغفير كله حيتساوى تحت التراب
وما يبقى غيرعمل الخير ينفعك لاقرابه تنفع ولاأنساب
محمد ابو الفتح...