بس إستني .. بقــلم أ/ الشاعــر هشــام عــوض

بس إستني

لسه قصدانا يومين تتأني
يوم بمحبة قربك مني

بعد سنين فـ بعادك عني
رغم إن إنتِ العين والنني

أما التاني تعالي وحني
ظلملك أصله كتير بهدلني

لما الشك بناره قتـــــلني
رغم بحُبك والله بغني

أيوه بحبك حب كأني
إنتِ الروح وإزاي هتسيبني

إنتِ القلب وليه بتضني
بطّلي حبه فـ حبي تظني

رغم الحب دا كله لكني
حبه بحبه الحب آلمني

لما حبيبي تملي يلومني
كل يومين بلقاه كلمني

إن الكره فـ قلبي غلبني
هي بكده واللا بتظلمني

ناخذ هدنه تعالي إستني
نرجع ننسى أهان وأهني

قلبك ماس وأنا صنته وصاني
عمره ورغم قساوته ماخاني

يمكن غيرتي عليكِ إكمني
حبك زي السحر وصابني

حتى العقل كمان عذبني
حالف لو سبتيه هيسبني

بس إستني.حبك جابني
نفسي إحسك ليه تتمني

وعدي بإنك بيه تتهني
وإنتِ كمان مابلااش تتجني

بقلمي هشام عوض محمد
الاربعاء 05 - 03 - 2014 م
[url=https://www.facebook.com/photo.php?fbid=262058237303142&set=gm.711640238879092&type=1][/url]
[img(403px,299px)]https://fbcdn-sphotos-h-a.akamaihd.net/hphotos-ak-frc1/t1/s403x403/1796549_262058237303142_862149822_n.jpg[/img]
[url=https://www.facebook.com/photo.php?fbid=262058237303142&set=gm.711640238879092&type=1][/url]