سيادة المواطن عاوزه اقول لك حاجه .. بقــلم أ/ غــادة عبدالله

غاده
سيادة المواطن
عاوزه اقول لك حاجه ..لو اضطريتك الدنيا انك تعيشها ناقص
مال
او اولاد
او صحبه
او حتى صحه
اضحك ولو بالعافيه ..اضحك بالعند فيها وفى اهلها ...
ودور على قد ما هو ناقصك كتير ..فاضل معاك ايه ...شوف فاضل لسه معاك ايه ..دور كويس ها تلاقيه ..ها تلاقى معاك حاجه اكيد مستخبيه هنا ولا هنا
يمكن فى قلم رصاص ترسم بيه لوحه
او فى قلم جاف تكتب بيه سطرين
او كاميرا تلقط بيها لحظه ما تتعوضش
او رجل تخطى بيها خطوه للسعاده
ها اطلب منك من فضلك يا سيادة المواطن
تتفرج معايا على فيديو
موش محتاج ترجمه
روحك موش ها تحتاج تترجمه
موش ها تحتاج تسمع لجنة التحكيم وهى بتتكلم بتساؤل واستغراب
ازاي يا ناس ؟
ازاي يا ناس
وازاي كمان كلهم احنوا لصاحبة الفيديو الراس
وازاي الكل بكى
على ال رضى بال كتبه ربه عليه وما شكى
صحيح الفيديو موش لواحده من هنا مصريه زيينا ولا مننا
صحيح الهنود دول يا جدع دايما ينضرب بيهم المثل فى العجب
بس ومالوا لما نشوف غيرنا ال تعب يمكن اكتر مننا ممكن يعمل ايه لو اتحرم زي ما تحرم كتير مننا
العبره هنا موش فى نوع الموهبه
العبره هنا فى الروح والاراده ال بتجعل من المستحيل عاده
عاده وهوايه وفن ..على فكره هنا ...فيه ال اروع منها بيعمل اكتر ويقدر
والنمازج عندنا لا تعد ولا تحصى
ولكن
مافيش مانع من باب التغيير نسافر على الهند ونشوف عجيبه
من العجايب
والحاضر
يبلغ الغايب
https://www.facebook.com/photo.php?v=724601407564676&set=vb.116414445050045&type=2&theater