أنا ليكى بقول أشعارى .. بقــلم أ/ عيسى عبدالرؤوف

أنا ليكى بقول أشعارى
وبغنى الحب فى موال
أنا عازف على أوتارى
قلبى خلاص حب ومال
ياورده جميله منديه
ياساكنه القلب من جوه
فداكى روحى وعنيه
من غيرك لاحوله ولاقوه
بحبك حب مالوش حد
وعايشه معايا احلامى
بحبك والله حب بجد
تعالى عيشى أيامى
شعرك ليل ظلامه طويل
وعيونك حلوه عسليه
على صدرك أنام الليل
يامحلى جمالك ياصبيه
شفايفك حلوه كالعنقود
وعسلهم دوا لروحى
اعديلك ياعمرى حدود
واداوى ألمى وجروحى
حبك روايه للأجيال
يتحاكى الزمن بيها
وتهتز ليها جبال
وتغنى الطيور ليها
==================
الشاعر عيسى عبد الرؤوف

***********